«№8 эстетикалық тәрбие беру мектеп-кешені орта жалпы білім беретін мектебі» КММ-де «Сенімділік пен амандық аумағы» тақырыбы аясында ұйымдастырылған «Тыныштық — менің күшім» психологиялық апталығы өз мәресіне жетті. Апта бойы педагог-психолог және психологиялық-педагогикалық қолдау қызметі білім алушылармен мазасыздық деңгейін төмендетуге, эмоциялық саналы қарым-қатынасты дамытуға, өзін-өзі реттеу дағдылары мен ішкі тұрақтылықты қалыптастыруға бағытталған жұмыстар жүргізді. Білім алушылар практикалық, арт-терапиялық және тренингтік сабақтарға қатысып, тыныс алу жаттығулары мен эмоциялық тұрақтану тәсілдерін меңгерді, эмоцияларды қауіпсіз білдіруді, ішкі ресурстарды табуды және эмоциялық қалпына келу жолдарын үйренді. Сонымен қатар өзін-өзі қолдау дағдыларын дамытуға, эмоциялық әл-ауқатты қалыптастыруға және жағымды психологиялық ахуал құруға ерекше назар аударылды. Осындай іс-шараларды өткізу білім алушылардың психологиялық денсаулығын нығайтуға, эмоциялық тұрақтылық дағдыларын дамытуға және өзінің ішкі жағдайына ұқыпты қарау мәдениетін қалыптастыруға ықпал етеді.